رايحين عالمجهول

رايحين عالمجهول أيام وأسابيع          والفكر مشغول بيقولوا اللي بيعرف بيعرف          واللي ما بيعرف ،كف عدس بيقول وين كنا ! وين صرنا!          وكيف رايحين عالمجهول من سبع سنين حتى اليوم         ما اتفقوا على مكيول يكيّله فيه نصر تموز          عند فريق ،هذا كلام غير مقبول قالوا: البلد أصبح خراب          وراح حتى العمر والمحصول قلنا:الكرامة غالية          وتراب الوطن بالدم مجبول قالوا:ما بدها هالحرب         كل شي بالسياسة محلول قلنا:بالسياسة كان الوطن         بالذل والمهانة فوق المعقول كان العميل بصباطه         يحكم الجنوب وبأمر من المسؤول اليوم ،الجنوب حرّ          وبعد الحرب بيوم كان مأهول كلمة السرّ،العودة!         وأهل الجنوب أولاد أصل وأصول وفييّن للأرض وكرمال         كرامة شعبها بيهون المبذول بوحدة جيش وشعب ومقاومة         ما زال العالم بنجاحها مذهول القصة ما انتهت هون         بدهم يردوا الصاع صاعين والنجاح غير مأمول هيدي المقاومة ! إما النصر وإما الشهادة          وما بيرضوا بانصاف الحلول