الضاحية الضحية..

بالعربي الدارج.. مبارح طلع انفجار بالضاحية، لاحظوا ما في فرق كتير بين ضاحية وتضحية خربت الدني وتدمّر كل شي، تضرر ناس كتير، بعضهم مات وانجرح اكتر ، كل ذنبن انن كانو عم يركضوا ورا لقمة عيشن. يلي سايق الفان او تكسي ويلي من الصبح فاتح محلو والطفل يلي زهق من قعدة البيت و نزل على شارع كلن راحو.. الانفجار ما بقى حدا اخد الكل! بس مش هون الحكي، الحكي انو في ناس وزعت بقلاوة و ناس قوصت !! كل شي بالدني في شماتة إلا الموت يا حوش .. ما فكرو لحظة اديش صعب موت الخطف ؟ ما فكرو بدمعة ام خسرت ولدها ؟ و حصرة زوجة خسرت زوجها ؟ ولوعة اطفال نحرموا من كلمة بابا ؟؟ والانكى من هيك انو اللي فرقع و قوص كتابو هوي ذاته كتابي ، ومحمد ( ص) رصولي ورسوله ... عم يحتفلوا ويصرخوا الله و اكبر؟ ولك ايّ الله عم تحكو في ؟ الله بيقلكن فجروا الابريا الكبار والصغار ؟ الله بيقلكن وزعو حلو شماتي ؟ اي دين هيدا ؟ اذا الاسلام بيقلكن هيك، انا وكل العالم ما عاد بدنا هيدا الدين ، ولك اليهود ما عملوا فينا هيك ، ما في دين بيقول هيك ، في ناس انتحلت صفة الدين وشوهوه و صار فينا نقول الدين بايد الخرا بيجرح ، الله اكبر عليكن اللهم إنا نبرأ اليك من هؤلاء ليوم الدين ... اما يلي بدي قولو انا : أولاً نعزي اهلنا اهل الضاحية بالشهداء وهم جميعا اخوتنا واحباءنا، ثانيا يمكن نحنا انفعلنا و فشينا خلقنا و حكينا كتير حكي بس الحكي يلي ما في مجال للنقاش في انو نحنا فدا اجرو للسيد حسن نصر الله ، مش بس من بعد هل الانفجار بعد مليون انفجار ومن يوم يومنا ولاخر يوم من ايامنا نحنا ارواحنا فداك و فدا عمامتك يا سيدنا . ثالثا نعزي اهل طرابلس بالقتيلين اللذين سقطا برصاص الابتهاج الطائش لان دينا بيقلنا نواسي خينا بمصابو... ولازم نعلن الحداد ليس على الشهداء فحسب بل على انفسنا ، على وطننا ، على ديننا ، على مبادئنا... حسبنا الله و نعم الوكيل الله يرحم يلي استشهدوا ويشفي كل المصابين و يعم السلام بالبلد مع انو حلم بس تركونا بس نحلم ... .. * علي حسين غصن