أسعد غصن: راحة البال (2)

اول ما كتبت عا موقع "خيام دوت كوم" .ب3/6/2012 قصيدة بعنوان راحة البال.. واليوم راحة البال جزء2..كل شي بيتطور..وبيتغير.
راحة البال (2)
لمحت بسين ماشي عم يغني مثل سلطان باملاك الناس متهني
ندهتو.. اطلع فيي مثل عنتر بتعمل نايب؟ قلي: حل عني
رفعت المستوى بتعمل وزير؟ انا مش بهلوان بحترم فني
شو رأيك يا مهضوم برئاسي؟ يعني ناطور بعد ما كبر سني؟
انطر الزعران.. حتى يسرقوا؟ مش مسلح.. وغصب عني
ما بتركوا دولار مثل الجراد والشعب بدو المسروق مني
حرام يا إبن آدم تتجنى عليي خليني محترم وفوت عالجني