حسين عبدالله: صامِد يا جنوب (قصيدة بالصوت والصورة)

لمّا مَرَق وِجّْ العتم عَ جنوبنا خضع القدَر قِدَّام نور قلوبنا
نهض الجنوب ونفَّض غبار الهوى تراب الزَّرع والورد بالدَّم ارتوى
صفحات بالتّاريخ صعبِة تِنطوى صنعِت كرامِة وعنفوان دروبنا
يا جنوب يا غالي ع قلب الكِلّْ فجر انتصارك صار وقتُه يْطُلّْ
يلِّي ما هابك ذاق طعم الذِّلّْ وما عاد قرَّب شِبر صوب حدودنا
جايي الصُّبح يِمحي غفى العتمات لِ اشتاق يِرجع عالسَّهل والفيّات
وتلوح فَوق جبالنا الرّايات هَيذي الوصيِّة باقيِة من جدودنا
بِتضَلّْ أقوى من الزَّمن يا جنوبنا
* الشاعر حسين علي محمد اسماعيل عبدالله