عليا الحرنكش
عليا الحرنكش يا ريس مبارك
فى عصر مزركش ملون بنارك
لابايعك وأبايع حكومة حمارك
ملعون أبو اللى يقدريقاطع قرارك
نهاره مقندل وليله مبارك
فهمبك وهجص وطلع فى ديننا
********
أكيد هو طالع يشاهد جمالك
جمالك مبارك سوزانك سوزاننا
يا محلا حصارك لمصر اللى جالنا
نسيمها فى عصرك بيشوى في بدنا
أؤيد وأبايع فخامة جلالتك
*******
وأيد أى واحد بيمسح ريالتك
ولأنك سر باتع هاننسى هبالتك
فأقعد يا ريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
ياريس حمامة ياريس كويس
*******
على تل مصر ياريتك تهيص
خرابة فسيحة عليها تمتيس
وأأمر تطاع فشعبك مفيص
أحمد فؤاد نجم
الحرنكش